KYRKJEBLOG

Det er ferietid, også på kyrkjekontoret og her på kyrkjebloggen.

Kyrkjekontoret er stengt fram til 1. august på grunn av ferieavviklinga, ta kontakt med Høyanger kyrkjekontor tlf: 57714100.

Feriane er slik:

Geir Sørebø - har ferie fram til 1. august
Sølvi Verlo - har ferie fram til 12. august
Tony Rozendaal - har ferie fram til 15. august
Anne Berit Sunde - har ferie fram til 13. august

Oppdatering av bloggen vil bli gjort når det er bruk for det, men neppe ofte. Ser deg att i august

GOD SOMMAR!! 

Det vert gudsteneste i Bjordal kyrkje 12. august kl. 16:00 ved Jens Linde og Peter Rødel. Nattverd.

Velkommen!!

5. august vert det gudsteneste i Lavik kyrkje kl. 16:00 ved Geir Sørebø og Peter Rødel.

Velkommen!!

Som tradisjonen har vore vert det Olsokgudsteneste på Sande ved Ortnevik dette året også! Søndag 29. juli kl. 19:30 ved Nils Heie.

Velkommen!

Ps: føre gudstenesta er det konsert i Ortnevik kyrkje kl. 17:30!

Olsok, 29. juli vert det konsert i Ortnevik kyrkje kl. 17:30.

Velkommen!

Ps: etter konserten er det olsokgudsteneste på Sande ved Ortnevik.

Søndag vert det gudsteneste i Bjordal kyrkje kl. 11:00 ved Jens Linde og Peter Rødel.

Velkommen!!!

Søndag 15. juli er det høgmesse i Lavik kyrkje kl. 11:00 ved Nils Heile og Tony Rozendaal. Det er nattverd i gudstenesta.

Dette vert einaste gudstenesta i kyrkja denne månaden.

Minner elles om at kyrkja er opa alle dagar frå 12-20! I følge gjesteboka som ligg der er det turistar og lokalfolk innom mest kvar einaste dag. Kom gjerne innom du også

Søndag 24. juni var vi samla i Bjordal kyrkje for å vere med på biskop Ole D. Hagesæther si vigsling av Silje Sørebø til presteteneste i den norske kyrkja. Med andre ord til ordinasjon. Det var fint å vere med, kjekt å sjå at så mange tok turen og delte dagen og høgtida med Silje.

Frå barnsbein av har Silje kjent at dette er Bjordal er hennar kyrkje, difor ville ho også gjerne bli ordinert og sendt ut i teneste frå kyrkja og kyrkjelyden her.

Etter gudstenesta samla soknerådet oss til kyrkjekaffi i samfunnshuset på skulen.

Det var mange gode kaker som kyrkjelyden hadde sytt for, dessutan fekk Silje med seg helsingar og gode ord på vegen mot Oslo og vikarjobben i Holmlia kyrkjelyd.

Her er Silje saman med mannen hennar Kenneth midt i ein av dei mange songane vi song.

På laurdag 23. juni var vi samla til gudsteneste ein liten handfull av oss på Templane i Lavikdalen.

Fjelltoppen stikk 483 moh og ligg slik til i bygda det er god og fin utsikt frå staden… Men denne laurdagen var veret ikkje det beste med småyr, regndrypp og skodde. Sikta var ikkje så god, men vi såg også litt blått på himmlen.

Men vi som tok turen hadde det fint, for så vått og så tett var ikkje skodda denne gongen!! På mange måtar var det ekstra fint å vere nett der i vind og ver og samlast med takk og bøn for skaparverket vårt. Vi var så midt ute i naturen og fekk ikkje berre sjå, men også kjenne han. Neste år vonar vi at mange fleire tek turen!

Så vel møtt

Søndag 8. juli tek vi turen til Sørebødalen og feirar gudsteneste i friluft. Gudstenesta byrjar kl. 12:00.

Ta gjerne med noko å sitja på og litt kaffimat så blir vi litt lengre enn gudstenesta varer….

Dersom det skulle bli høljeregn flytter vi gudstenesta til kyrkja, men ta med klede som passar til veret. Litt regn i håret får vi tåle!

Vel møtt!!